D
மீண்டும் இந்தியாவின் பிரதமராக மோடி பதவியேற்ற நிலையில், அவரது அமைச்சரவையில் இருக்கும் பணக்கார எம்.பி யார் என்று இந்த பதிவில் பார்க்கலாம்.
நடந்து முடிந்த நாடாளுமன்ற மக்களவை தேர்தலில் 543 இடங்களில் பாஜகவின் என்.டி.ஏ கூட்டணி 292 இடங்களைக் கைப்பற்றி மீண்டும் ஆட்சியமைத்துள்ளது.
கடந்த ஜூன் 9 -ம் திகதி பிரதமராக நரேந்திர மோடி பதவியேற்றார். அவருடன் சேர்ந்து புதிய அமைச்சரவையில் 71 அமைச்சர்களும் பதவியேற்றனர்.
இந்த தேர்தலில், காங்கிரஸ் தலைமையிலான இந்தியா கூட்டணி 235 இடங்களைக் கைப்பற்றி நாடாளுமன்றத்தில் வலுவான இடத்தை பிடித்துள்ளது.
நடந்த முடிந்த தேர்தலில் பாஜக கூட்டணி சார்பில் நட்சத்திர வேட்பாளர்களும் கோடீஸ்வர வேட்பாளர்களும் களமிறக்கப்பட்டனர்.
அந்த வகையில் தேர்தலில் வெற்றி பெற்று எம்.பியாகி புதிய அமைச்சரவையில் இடம்பெற்று 99% பேர் கோடீஸ்வரர்களாக இருக்கின்றனர். அதில் 6 பேருக்கு ரூ.100 கோடிக்கும் அதிகமான சொத்துக்கள் உள்ளது.
ஜனநாயக சீர்திருத்தச் சங்கம் வெளியிட்டுள்ள அறிக்கையில், “இந்திய அமைச்சரவையில் உள்ள 71 அமைச்சர்களில் 70 பேர் கோடீஸ்வரர்களாக உள்ளனர். அவர்களின் சொத்துமதிப்பு சராசரியாக ரூ.107.94 கோடி ஆகும்.
அதில் முக்கியமாக என்.டி.ஏ கூட்டணியில் உள்ள தெலுங்கு தேசம் சார்பில் ஊரக வளர்ச்சித்துறை இணை அமைச்சரான சந்திர சேகர பெம்மசானியின் மொத்த சொத்து மதிப்பு ரூ.5705.47 கோடி ஆகும்” என்று குறிப்பிடப்பட்டுள்ளது.
இதற்கு முன்னதாக, புதிய அமைச்சரவையில் இடம்பெற்றுள்ள 71 அமைச்சர்களில் 28 பேர் மீது குற்ற வழக்குகள் நிலுவையில் உள்ளது என்று ஜனநாயக சீர்திருத்த சங்கம் அறிக்கை வெளியிட்டிருந்தது.
